जखमा तू चाललेल्या वाटेत फक्त काटे आहेत , माझ्या हृदयाकडे बघ, जखमा आहेत त्यात ! माझे हृदय हे एक तळघर आहे , त्यात एक आत्मा फडफडतोय! तुला देण्यासाठी माझ्याकडे काही च उरले नाही , मी आधीच त्यावर सर्वकाही खर्च केले आहे! या तळहातांमध्ये तू तुझे हृदय ठेवले आहेस , पण पेनाच्या डागाशिवाय त्यात काहीच नाही आहे ! तुला प्रेम हवे आहे , वेडेपणा नाही. प्रेम शोधायला आलीस तरी का? त्या विहिरीतून पाण्याच्या आशेवर बसली आहेस , पण संपूर्ण जमीन नापीक आहे त्यात! माझ्या छातीवर हात ठेव , ऐक! धडधडणाऱ्या दगडाशिवाय त्यात काहीच नाही आहे ! तू माझ्याशी जोडलीस तर उजाड होशील, ज्या हृदयात नुसती थडगी आहे , त्या हृदयात यावेच कशाला ?
